A revista Social Sciences, publicada por MDPI, convida a investigadores e profesionais do ámbito das ciencias sociais, a comunicación, a tecnoloxía e outras disciplinas relacionadas a enviar artigos orixinais para o número especial titulado “Disinformation in the Age of Artificial Intelligence” (A desinformación na era da intelixencia artificial). Este monográfico está editado por Xosé López, José Casás, Alba Silva e Ana Isabel Rodríguez.
Nun contexto no que a intelixencia artificial está a transformar radicalmente os modos de creación, distribución e consumo da información, este número especial pretende afondar nas formas nas que a IA pode tanto amplificar como combater a desinformación. Anímase especialmente á presentación de traballos empíricos, teóricos e estudos de caso que analicen:
- O uso da IA na creación de noticias falsas e contidos manipulados.
- O papel dos algoritmos na amplificación da desinformación.
- Ferramentas baseadas en IA para a detección automática de contido falso.
- Dimensións éticas, sociais e políticas do fenómeno.
- Estudos de percepción e alfabetización mediática ante a desinformación dixital.
A data límite para o envío de manuscritos é o 30 de novembro de 2025.
Envío do resumo: 30 de abril de 2025.
Todos os artigos serán avaliados mediante revisión por pares e publicados en acceso aberto se son aceptados. Para máis información sobre as directrices editoriais, visita a páxina oficial da convocatoria: