Hoxe abriuse o prazo de inscrición do Curso de contidos interactivos para DVB: MHP, organizado polo Centro Multimedia de Galicia. Este curso, de caracter gratuíto, desenvolverase entre o vindeiro 30 de maio e o 21 de xuño do presente ano, contando cunha duración total de 42 horas. Impartido desde a sé central do Centro Multimedia de Galicia, sita en Santiago de Compostela, poderá seguirse por videoconferencia a través da rede de Telecentros de Comunicación auspiciada pola Dirección Xeral de Comunicación Audiovisual en dúas sesións horarias:
Primeira Sesión
Horario: 10:00 a 13:00 horas, nos seguintes telecentros:
- Santiago de Compostela (Centro Multimedia de Galicia)
- Pontevedra (Facultade de Ciencias Sociais)
- Ribeira (Cofradía de Pescadores)
- Verín (Casa da Cultura)
- Monforte de Lemos (Edificio Multiusos)
- A Estrada (Edificio de Usos Múltiples)
- Ponteareas (Centro de Desenvolvemento Local)
Segunda Sesión
Horario: 16:30 a 19:00 horas, nos seguintes telecentros:
- Santiago de Compostela (Centro Multimedia de Galicia; Facultade de Ciencias da Comunicación)
- Lugo (Aula de Produtos Lácteos)
- Ourense (Edificio Administrativo de Presidencia)
- A Coruña (Biblioteca Pública Miguel González Garcés)
- Vigo (Escola Técnica Superior de Enxeñeiros de Telecomunicación)
- Redondela (Edificio de Usos Múltiples)
- Boiro (Centro Sociocultural)
O principal obxectivo do curso “Contidos interactivos para DVB: MHP” é o de familiarizar ao alumnado nas novas e máis actuais tecnoloxías empregadas na televisión dixital interactiva baseada no estándar MHP. Ademais, os asistentes ao devandito curso aprenderán a desenvolver aplicacións telemáticas para este novo medio. Os interesados en participar poden inscribirse desde hoxe na web do Centro Multimedia de Galicia.