En realidade, quería ser un experimento un pouco diferente ao que ides ver. Co amigo Marcos Foglia, xerente de contidos de Clarín, que é o grupo de comunicación arxentino propietario do cibermedio con máis audiencia de América Latina, clarin.com, nos sentamos diante dun ordenador no Grupo de Novos Medios da USC cun obxectivo: ir comentando sitios web inspiradores para novos formatos de comunicación. Por un fallo técnico derivado da miña inexperiencia co software, esa última parte non se gravou; aínda así, quédannos catro minutos nos que Marcos nos comenta as cousas nas que anda a investigar en Clarín con grupos de análise: como as tradicionais marcas de medios de comunicación valen ben pouco para os grupos de novos lectores, e como a clave do deseño e concepción de novos produtos dixitais está, principalmente, na simplicidade.
