London 2012 sácalle partido á polémica xerada arredor do seu logotipo

A organización crea unha web destinada únicamente a que os usuarios podan opinar sobre a imaxe corporativa e facer as súas propostas persoais

londres.jpg

O logotipo das vindeiras Olimpiadas en Londres para o ano 2012 segue a xenerar polémica. Pero non é a valoración sobre a pertinencia da elección desta imaxe o que aqui nos ocupa, senon as novas vías de participacón que a organización de London 2012 está abrindo sacándolle proveito a polémica xerada.

London 2012 creou unha web adicada en exclusiva á imaxe das Olimpiadas do 2012. Nela os usuarios poden opinar sobre o logotipo e enviar as súas propostas de deseño. O sorprendente non se reduce tan só a existencia desta páxina, senon que ademais este é o site principal das Olimpiadas do 2012, gardada baixo o dominio www.london2012.org, e dende ela o usuario pode acceder á outra web con contidos do evento, que só se atopa no dominio http://main.london2012.com. Sen dúbida unha forte e arriscada aposta comunicativa que confía na participación cidadá como unha boa ferramenta publicitaria.

Teresa de la Hera

Modelando el futuro de los periódicos

Análisis del desarrollo estratégico y oportunidades en la industria de la prensa

Resumen del anuario «World Digital Media Trends 2007» traducido por Dolores Calvo

Este anuario sirve como brújula digital para los estrategas del mundo de los medios de comunicación proporcionando más de 160 conjuntos de datos procedentes de 35 fuentes y análisis sobre las tendencias de generación de ingresos y el consumo de medios en Internet y las industrias móviles, y comparándolos con los medios ya estrablecidos.

Leer másModelando el futuro de los periódicos

A evolución dos sistemas políticos e mediáticos europeos, obxecto de debate nun curso da Universidade Internacional Menéndez Pelayo

Dende o ano 1982, a Universidade Internacional Menéndez Pelayo desenvolve na nosa Comunidade Autónoma diversas actividades, seminarios e obradoiros, especialmente nos meses de xullo, setembro e outubro. Este ano, do 17 ó 20 de Outubro, poderemos asistir en Aciveiro (Pontevedra) ó curso ‘Europa ante o desafío da reordenación do sistema mediático. Sistema político, actores sociais e cidadáns no tránsito á Sociedade da Información e do Coñecemento’.

Leer másA evolución dos sistemas políticos e mediáticos europeos, obxecto de debate nun curso da Universidade Internacional Menéndez Pelayo

Xornalismo e poder

periodismo_poder.jpgPERIODISMO Y PODER: : POLÍTICOS, PERIODISTAS Y CIUDADANOS VOLUNTARIAMENTE DESINFORMADOS
Diezhandino Nieto, Mª Pilar (Prentice Hall)
Prezo:24 €
280 páx.
Idioma: Español
ISBN: 848322366X. ISBN-13: 9788483223666 (02/2007).

O coñecido dilema arredor da influencia dos medios de comunicación segue centrando as reflexións de sociólogos, politólogos, cumunicólogos… en moitos dos seus últimos traballos, case sempre froito de investigacións académicas. Hai bastantes teorias sobre os efectos dos medios, que van desde as que os culpan de todos os males actuais ata outras que limitan a súa influenza. Nestes anos do século XXI, varios autores coincidiron en apuntar unha influenza múltiple nas decisións e opinións dos cidadáns, polo que consideran esaxerado considerar aos medios os .

Por Manuel David Díaz

Leer másXornalismo e poder

Chile acolle o primeiro máster internacional en Comunicación Dixital en América Latina

Seis expertos estranxeiros e máis de dez académicos nacionais participarán na primeira edicón do Máster Internacional en Comunicación e Xornalismo Dixital.

O curso de formación, organizado pola Facultade de Comunicación e Deseño da
Universidad Maior e o Observatorio de Comunicacións Dixitais (OCD) é o primeiro destas características que se organiza nunha Universidade de América Latina.
Entre os mestres convidados destaca a presenza de
Dan Gilmor, o pai do xornalismo cidadán; Jimmy Wales, fundador da famosa
enciclopedia virtual Wikipedia; José Luis Orihuela, doctor en comunicación
pública e profesor da Universidad de Navarra (España); Francis Pisani, da Universidad de Berkeley (EE.UU.); e Rosental Calmon Alves, un dos
pioneiros en xornalismo para Internet en América Latina.
Para máis información:http://periodismodigital.umayor.cl

¿Veremos a televisión no ordenador?

joost

Neste mundo cambiante no que andamos aparecen cada día mil e unha historia que melloran a nosa calidade de vida. Algúns destes experimentos son rotundos fracasos pero outros son éxitos únicos na historia actual. Dúas das persoas máis importantes para que internet sexa o que é hoxe en día, son Niklas Zennstrom e Janus Friis, creadores entre outros de Kazaa e Skype.

Agora preséntannos unha nova ferramenta, fundamentadamentada no audiovisual, que promete ser unha desas cousas que marcarán o inicio dunha nova era. Joost é unha aplicación, que se descarga, e que convirte o ordenador persoal nun televisor á carta. Cunha interface moi sinxela pero elegante, podemos acceder a un completo buscador de programas ou de canles, que nos permiten ver desde unha película de Buster Keaton ata un spot publicitario. Zennstrom e Friis xa saben que a publicidade é importante e por iso non dubidaron en deixar un espazo específico para os anuncios. A verdade é que promete, pero agora falta por ver se estamos dispostos a ver a televisión no ordenador. Un dato que escribre Francis Pisani no ciberpais: o promedio de tempo que pasa un individuo diante de Youtube é de 11,5 minutos, moi lonxe das case catro horas que se pasa un español diante do televisor.

José Pereira

Protocolo e Relacións Institucionais na USC

¿Como organizar un evento? ¿Como dirixirnos ás diversas institucións coas que tratamos? ¿Como atender os nosos públicos? O intanxible impera nunha sociedade na que a imaxe vale máis que mil palabras. O Máster en Protocolo e Relacións Institucionais da USC, que celebra este ano a súa terceira edición, pretende satisfacer esta demanda formativa, moi útil non só no ámbito institucional, senón tamén nos sectores empresariais.

Leer másProtocolo e Relacións Institucionais na USC

Prospectiva TIC 2026: xogando a ser adiviños

O Libro Blanco titulado  Prospectiva TIC 2026 trátase dun informe que pretende trazar unha panorámica das Tecnoloxías da Información e da Comunicación a longo prazo. Auspiciado por Prosodie e pola axencia  MARKESS International, basease nunha búsqueda documental previa que permitiu reunir informacións sobre o entorno demográfico, económico e sociolóxico no que se enmarcarán as TIC no ano 2026. Para elo foron consultados 50 expertos, contándose entre os mesmos directores de sistemas de información, altos cargos de empresas de comunicación e diversos persoeiros do ámbito político, xurídico e económico.

Leer másProspectiva TIC 2026: xogando a ser adiviños

Posibilidades e alternativas da comunicación interactiva surxidas co novo escenario tecnolóxico da televisión

A Facultade de Ciencias da Comunicación acolle o curso de verán «Televisión dixital terrestre e por Internet, Comunicación Interactiva e Hipermedia»

A propósito das novas alternativas da comunicación interactiva no curso falarase de propiedade intelectual, creación de contidos, hipermedia e converxencia dixital. O obradoiro pretende servir de foro para a presentación e discusión de novos conceptos, ideas, experiencias e coñecementos que configuran o debate aberto na sociedade da información arredor da converxencia das novas tecnoloxías coa cultura e a ciencia, cos contidos e o coñecemento. En definitiva, sobre as posibilidades e alternativas da comunicación interactiva, sobre o novo paradigma da hipermedia, máis aló da confluencia dos multimedios, cando xa se empeza a falar das web semánticas, a experimentar coa creación virtual e con potentes buscadores ontolóxicos que están a convertir Internet nunha disputada galaxia de novas redes de intelixencia, poder e mediación social. A trascendencia deste novo marco de relacións e experiencias crúzase coa aparición, debate e formulación dos chamados ciberdereitos e coa necesidade de facer visible a través da Rede e da expresión hipermedia a nosa propia cultura e identidade.

Alumnos das Facultades de Ciencias da Comunicación, Económicas e Empresariais, Dereito, Historia, Educación, Ciencias e Computación así como profesores e profesionais dos medios de comunicación de Galicia que están incorporando as novas tecnoloxías, son o público ao que vai dirixido o curso.

Xa está aberta a matrícula para este obradoiro de 35 horas de duración que será impartido do 11 a0 14 de xullo na Facultade de Ciencias da Comunicación da Universidade de Santiago de Compostela.

Para máis información: www.usc.es/iptv

A BBC pinta de cores a historia británica

A BBC vén de crear unha liña do tempo da historia británica baseada nunha escala de cores interactiva.

Movernos pola historia británica coma se dun percorrido polo arco da bella se tratara. Iso é o que nos permite o proxecto da BBC. Unha liña do tempo baseada na diferenciación de etapas históricas mediante cores. A interfaz déixanos saltar da Idade de Ferro á época dos vikingos e ver os acontecementos máis importantes que fan referencia a eses anos. Un paseo pola vida das illas que abarca dende o neolítico ata o 2005.

A web, no apartado «Take a Journey», tamén permite facer buscas selectivas por temas. Así, por exemplo, podemos saber como evolucionaron os dereitos das mulleres británicas ao longo da historia ou seguir os adiantos tecnolóxicos que se sucederon no marco das Illas Británicas.

O equipo interactivo da BBC solucionou miles de anos de historia cunha tira de cores, sen dúbida unha innovadora estratexia de deseño.

Carlos Toural