Os resultados obtidos en investigacións anteriores amosan catro tendencias:

• a relevancia do gas radón na saúde pública xa que é, en moitos lugares, a principal causa de cancro de pulmón
• a importancia dunha cidadanía informada e concienciada na redución dos efectos do radón
• a comunicación dixital como ferramenta de prevención de efectos perniciosos
• a importancia dos medios dixitais nativos e matriciais na conformación da axenda e da opinión pública. 

O proxecto pretende coñecer a percepción da cidadanía española sobre o gas radón, a axenda mediática marcada por medios nativos e matriciais, a axenda marcada polas fontes de información institucionais, a percepción de profesionais implicados e, finalmente, deseñar un plan de comunicación e estratexias que poidan servir para liquidar as debilidades atopadas na percepción da opinión pública española sobre o radon. Deste xeito, poderase diagnosticar a situación real de coñecemento e concienciación, as fortalezas e debilidades na comunicación e deseñar retos de futuro.

Obxectivos específicos

1. Analizar a percepción da opinión pública, cartografando o coñecemento da cidadanía sobre o radón nas diferentes comunidades autónomas.
2. Determinar as principais estratexias comunicativas empregadas polos medios de comunicación dixitais sobre o radón.
3. Analizar a axenda institucional e a información facilitada dende as fontes institucionales das comunidades en función á incidencia de radón.
4. Avaliar a percepción sobre o radón de xornalistas, directores de comunicación, políticos e/ou técnicos.
5. Deseñar un plan de comunicación para aumentar a eficacia na comunicación do risco sobre o gas radón a partir de recursos dixitais.