Congresos e eventos

Santiago de Compostela foi o lugar escollido polos organizadores para celebrar a última sesión da TechBusiness Week 2007, que neste caso trataba o tema Managemente e Sociedade da Información. O evento, promovido pola Fundación Sabiria e organizado polo Foro e-Gallaecia, leva dende o ano 2001 tentando achegar novas perspectivas dinamizadoras sobre a Sociedade da Información asentado na necesidade de evitar que a fenda tecnolóxica da que moitos analistas falan cobre novas vítimas. A TechBusiness Week tenta achegar a funcionalidade das TIC (Tecnoloxías da Información e Comunicación) á Sociedade da Información para conseguir unha conexión entre os obxectivos e necesidades dos cidadáns e as case inesgotables posibilidades que ofrecen hoxe en día as TIC.

A xornada da mañá concluíu coa comparecencia de Arsenio Escolar, director do xornal gratuíto 20minutos, quen presentou certas liñas seguidas polos usuarios e lectores dos xornais en xeral e do que el dirixe en particular. Escolar defendeu en todo momento a imparcialidade do xornal 20minutos fronte aos poderes político e económico e asegurou que “un redactor do meu medio pode votar a quen queira e pode ter a ideoloxía que prefira, pero o lector ten dereito a que esta non se poña de manifesto nun texto escrito ou nun titular”.

Escolar falou na parte final da súa intervención da idea da desaparición da prensa en papel tal e como hoxe a coñecemos. O director de 20 Minutos chegou a asegurar que o novo consumidor de medios vai directo á pantalla, xa non só non merca xornais, senón que tampouco os le en papel. Porén, o xornalista burgalés considera que a prensa en papel ten futuro, tanto os medios de pago coma os gratuítos, sempre e cando evolucionen e acepten as transformacións que a Sociedade da Información impón a través dos seus novos hábitos de consumo de medios de comunicación.

29 e 30 de novembro, Universitat Jaume I de Castellón

No ano 2002, o Congreso de Comunicación Local (ComLoc 2002) xa tratara o papel dos medios audiovisuais no ámbito local e este ano, coa fin da era analóxica máis preto e baixo o título “La televisión digital ante el fin de la era analógica”, retormarase o debate sobre o seu protagonismo no ámbito social e económico e o seu psicionamento no panorama comunicativo.

Durante o ComLoc 2007 discutiranse temas coma a publicidade e financiación das TV dixitais locais, a programación e os seus contidos, os modelos de negocio que adoptan, os grupos de televisión e alianzas no campo da TDT e os modos de migración da TV analóxica á dixital e sistemas alternativos.

Os que queiran participar cunha comunicación, deberán enviar os resumos antes do día 31 de outubro á dirección de correo comloc@uji.es. As comunicacións aceptadas deberán enviarse á mesma dirección e-mail no formato requerido (ver aquí) antes do día 15 de novembro.

Os días 6,7 e 8 de novembro, o recinto ferial IFEMA de Madrid acollerá a 1ª Edición do Foro Internacional de Contidos Dixitais (FICOD), que é o resultado da posta en marcha dunha serie de medidas aprobadas polo Ministerio de Industria, Turismo e Comercio e que se enmarcan no Plan Avanza para o desenvolvemento da Sociedade da Información e a converxencia con Europa e entre as comunidades autónomas.

Madrid acollerá durante os tres días ós principais axentes nacionais e internacionais que interveñen na producción de contidos dixitais e algúns dos temas que se tratarán nas mesas redondas que están programadas son a web 3.0, as novas formas de publicidade, a radio on-line, os agregadores de contido e a prensa dixital entre unha ampla variedade de contidos.

A inscripción para FICOD 2007 é gratuita para as persoas que acrediten o exercicio da súa profesión en calquera das empresas que traballan no ámbito dos contidos dixitais. Os interesados poden enviar as súas consultas a ficod@ficod2007.es ou chamar ó 900 101 706.

Cidade de México, 19 e 20 de novembro

Os avances tecnolóxicos experimentados nas últimas décadas e a súa relación coas políticas de comunicación e culturais son o tema central do VI Congreso Internacional de la Unión Latina de Economía Política de la Información, la Comunicación y la Cultura (ULEP-ICC): Innovaciones tecnológicas, comunicación y cambio social, que se celebrará en Cidade de México os días 19 e 20 de novembro deste mesmo ano.

Os grandes cambios que as innovacións tecnolóxicas provocaron e provocan nas estruturas económicas das industriais culturais e que, á súa vez, desencadean certas formas de evolución social suporán o eixo central dun congreso que pretende abordar o asunto dende unha perspectiva crítica e analizar as repercusións que estes feitos provocan nas culturas contemporáneas.

O congreso pretende analizar a orixe das correntes e discursos comunicativos e culturais dominantes que, empregando as innovacións tecnolóxicas coma punta de frecha, provocan cambios nunhas sociedades envoltas polos procesos propios do capitalismo global e identificadas como Sociedades da Información.

Para máis información, pinchar aquí.

Esta é unha das principais ideas que se recolleu do curso de verán organizado pola USC. Internet está a propiciar tamén unha redefinición do concepto de medios que a sociedade tiña ata o momento. A comunicación interactiva, a televisión 2.0, a implantación da TDT en Galicia, a web TV, a converxencia dixital, os novos modelos de negocio os cibermedios e a radio e a televisión multimedia foron os temas que centraron os catro días nos que se realizou o curso de verán da USC “TV Dixital Terrestre e por Internet”

Algunhas das ideas e impresións sobre os diferentes aspectos tratados no curso recóllense a continuación:

– Rosa Franquet, Catedrática de Comunicación Audiovisual da UAB, resaltou que hoxe en día, o grao de penetración que ten a televisión non o teñen outros medios de comunicación e esta situación parece que non vai cambiar sustancialmente nos próximos 10 anos. Ese grao de penetración posibilita novas fórmulas de comunicación, como é o caso da web-TV. Neste caso, a interactividade televisiva considérase unha posibilidade de renovación da TV e permite agregar valor ós servizos de televisión. Ademais tamén hai que coñecer as limitacións das plataformas, xa que é a única vía para explotar con eficiencia as súas potencialidades.

Ler máisInternet é a base das novas fórmulas de comunicación

Outro dos temas principais que se abordou no curso de verán da USC foi o da TDT autonómica e local que abriu un amplo debate no que interviron Xesús Iglesias (director da TVG), Carlos Carballo (Televoz), Rafael Ramos (COPE), Luis Pérez (Correo TV) e Javier Otero (Localia).

Tódolos representantes dos principais medios audiovisuais galegos amosaron unha visión un tanto pesimista sobre o futuro da Televisión Dixital Terrestre autonómica e local xa que consideran que a nova televisión implicará, sobre todo, moitos gastos e que precisará de fortes inversións. Ademais, sobre a posible traxectoria da TDT afirmaron que o seu será un futuro incerto debido ó elevadísimo custe da rede. Por iso reclamaron o apoio institucional, que é clave para poder poñer en marcha este proxecto. Neste caso, Rafael Ramos (COPE) afirmou que a axuda da Administración é vital porque cubrir Galicia custa doce veces e media máis que cubrir Murcia e a audiencia non é maior.

Pola suá parte, Carlos Carballo (Televoz) explicou que existe un escaso esforzo da  Administración para a implantación da nova televisión e que para rentabilizar un operativo de semellante envergadura fai falla tempo, tempo do que non de dispón.    

Ler máisO futuro da TDT autonómica e local en Galicia