novosmedios

As eleccións municipais xeneran novas experiencias comunicativas

O Grupo Zeta ven de presentar videoyvoto.tv, unha experiencia multimedia que ofrece información sobre as eleccións municipais e autonómicas en formato vídeo

videoyvoto.jpg

O usuario pode escoller, entre unha lista de diferentes profesionais do Grupo Zeta, ao seu presentador persoal, que a través de un vídeo daralle unha visión profesional do estado das eleccións. Por outra banda a web almacena diferentes vídeos relacionados cos procesos electorais dos diferentes municipios, que poden ser atopados segundo criterios xeográficos, temporais ou de interese da audiencia. Na mesma web os internautas dispoñen dunha ferramenta para poder subir os seus propios vídeos e teñen a posibilidade de calificar a calidade daqueles que xa están colgados.

Sen supoñer unha revolución dende o punto de vista tecnolóxico, videoyvoto.tv, presenta un emprego novedoso da ferramenta Youtube e abre un novo campo de experimentación que mistura o xornalismo electoral coa participación cidadá.

Teresa de la Hera

A USC oferta un amplo abano de Cursos de Verán

A piques de que cheguen os meses de calor a Compostela, a USC ten programados para o mes de xullo unha serie de cursos de temáticas variadas. Entre eles, podemos atopar algúns máis centrados no eido da comunicación. Así, a televisión será obxecto de estudo para os interesados no programa do curso ‘Televisión e ficción’ ou para aqueles que aposten polas novas tecnoloxías en ‘Televisión dixital terrestre e por Internet, comunicación interactiva e hipermedia’. 

Os principios da comunicación mediática contemporánea nos distintos soportes (televisión, cinema, publicidade, fotografía ou mesmo na comunicación institucional) serán o eixo central doutro destes seminarios. 

Pola súa banda, o curso ‘Europa. Estudar, Traballar e Vivir nun caleidoscopio de culturas’ permitiranos coñecer máis de preto ese espazo común de gran riqueza cultural no que converxemos.

O listado completo dos cursos pódese consultar en http://www.usc.es/cultura/cv07intro.htm#CURSOS. No caso de interesarvos, aínda hai tempo de facer a matricula. Ademais, até o 30 de Maio pódense solicitar as bolsas de gratuidade na matrícula e no aloxamento que outorga a Universidade.    

 

  

 

Intercambio de coñecementos con Francis Pisani

Pisani, un dos grandes referentes do xornalismo especializado en Internet e novas tecnoloxías, reuniuse cos membros do Grupo de Investigación Novos Medios.

O futuro dos medios condicionado polo avance dos novos formatos xornalísticos é unha das principais liñas de traballo do xornalista.

pisani.jpg pisani.grupo.jpg
Na xuntanza Pisani debateu cos membros de Novos Medios sobre o futuro da labor dos profesionais do xornalismo e sobre a relación que debe establecerse entre usuarios e medios, entre outras cuestións.
Para Pisani o xornalista deixa de ter o poder de seleccionar a información que é coñecida polos usuarios, para converterse nun editor dos contidos proporcionados por eles. A satisfacción que produce o feedback nos procesos comunicativos é para Pisani unha das mellores vantaxes que trae este cambio na profesión. Neste senso apunta á necesidade de atender á evolución do concepto “noticia” e á súa nova función social.
Con respecto a penetración do xornalismo cidadán, Pisani considera que estase producindo un erro de concepto, para el o importante non é quen produce a información, o importante é o proceso polo cal esa información chega aos receptores, polo que dende o seu punto de vista debería haber un cambio de denominación para este fenómeno. Fenómeno que por outra banda non debe ser minusvalorado, xa que ten un gran poder de penetración social, principalmente no ámbito local.
Residente en San Francisco, Francis Pisani é profesor nas Universidades de Stanford e Berkeley, consultor de medios dixitais e columnista semanal en El País, Le Monde e Reforma.

Podes coñecer o traballo de Pisani no seu blog persoal.

Congreso Europeo Xuvenil dos Medios de Comunicación

Do 27 ao 30 de xuño de 2007

Catrocentos mozos de toda Europa terán a oportunidade de participar no “Congreso Europeo Xuvenil dos Medios de Comunicación” que se celebrará con motivo do 50 aniversario do Tratado de Roma.
Os afortunados compartirán diálogos e obradoiros con políticos, expertos e xornalistas.
A organización considera que os mozos teñen a capacidade de desenvolver e aportar as súas propias visións sobre Europa e facer fronte os retos cos seus propios proxectos e aportacións.
Os interesados en participar deberán facer a súa solicitude de admisión axuntando un pequeno artigo ou reportaxe de radio ou televisión, sobre algunha das cuestións tratadas nos “European Youth Media Days”.

Para máis información: www.youthmediadays.eu

Teresa de la Hera

Curso de contidos interactivos para DVB: MHP

Hoxe abriuse o prazo de inscrición do Curso de contidos interactivos para DVB: MHP, organizado polo Centro Multimedia de Galicia. Este curso, de caracter gratuíto, desenvolverase entre o vindeiro 30 de maio e o 21 de xuño do presente ano, contando cunha duración total de 42 horas. Impartido desde a sé central do Centro Multimedia de Galicia, sita en Santiago de Compostela, poderá seguirse por videoconferencia a través da rede de Telecentros de Comunicación auspiciada pola Dirección Xeral de Comunicación Audiovisual en dúas sesións horarias

Ler máisCurso de contidos interactivos para DVB: MHP

Populrs.com: Galería de contidos

Tanto para os xornalistas como para calquer usuario que bote man con asiduidade dos contidos que diariamente os cibernautas suben á web, tanto os agregadores de rss como os contedores e arquivadores de materias tórnanse fundamentais. Youtube, Flickr, Del.icio.us…son só unha pequena mostra das webs que almacenan cantidade de material útil para os usuarios. Populrs.com é só un intento máis de organizar dun xeito útil todos eses contidos que segundo a segundo van nutrindo a inxente biblioteca virtual da rede. Algunhas das súas ventaxas son as seguintes:

– Presenta unha selección das páxinas de contidos máis populares da rede

– Proporciona para cada unha de esas páxinas un listado actualizado dos contidos mellor valorados polos usuarios

– Permite aos usuarios personalizar a páxina de inicio segundo ás súas necesidades

– Ademais inclúe unha selección dos principais titulares de páxinas como Google News

– Con unha única visita, centos de contidos quedan ao alcance do usuario

Teresa de la Hera

Cultura Científica e Cultura Cidadá

O CSIC e a Fundación Española para a Ciencia e a Tecnoloxía (FECYT) organizan o IV Congreso sobre Comunicación Social da Ciencia, que terá lugar os días 21, 22 e 23 de Novembro no Campus do CSIC en Madrid. O obxectivo do Congreso é o de afondar na necesidade dunha cultura científica como parte da nosa cultura democrática, polo que pretende converterse nun foro de reflexión e debate sobre os novos métodos e instrumentos para promover o acceso dos cidadáns ó coñecemento científico.

Podedes acceder a máis información sobre prazos, temáticas e inscrición na páxina web de CSCiencia2007.

Xornalismo Económico: Vellos e novos desafíos

A Facultade de Ciencias da Comunicación da Universidade de Navarra organiza os días 15 e 16 de Novembro de 2007 a XXII Edición do Congreso Internacional de Comunicación, que leva por título ‘Periodismo económico: Vellos e novos desafíos’. O Congreso centrarase nas luces e sombras do xornalismo económico, e nos desafíos que ten ante si esta especialización profesional.

As comunicacións, que poden enviarse até o 11 de Xuño, poderán adscribirse ós seguintes grupos de traballo: Desafíos profesionais do periodista económico; Evolución histórica do xornalismo económico; Retos empresariais e tecnolóxicos dos medios económicos; Peculiaridades da difusión de información económica; A formación dos profesionais do xornalismo económico; Efectos da información económica e A xestión das fontes no xornalismo económico.

A información económica gaña cada vez un maior protagonismo nos medios xeralistas, pois os cidadáns participan e interésanse cada vez máis polos movementos empresariais, os datos da macro e microeconomía ou os acordos entre os gobernos e as entidades financeiras. Por outra banda, tamén asistimos a certo boom das publicacións especializadas nesta materia.

Para aqueles que estean interesados, a información está xa dispoñíble na páxina web do Congreso.

Curso de Formación Continua: Comunicación de Crise

Do 4 de Maio ó 29 de Xuño na Universidade de Santiago de Compostela

A Facultade de Ciencias da Comunicación da USC abre a convocatoria para a terceira edición do Curso de Formación Continua: Comunicación de Crise. Dirixido a profesionais da comunicación o obradoiro ten como obxectivo aportarlles aos participantes os coñecementos e as ferramentas para planificar un protocolo de actuación durante unha situación de crise, tanto dende o punto de vista da comunicación interna, como externa.

O Grupo de Investigación Novos Medios, baixo a dirección de Miguel Túñez e a coordinación de Carmen Costa, organiza este programa formativo que inclúe módulos prácticos e teórico-prácticos. Entre os convidados para impartir os diferentes módulos destaca a asistencia de: Montse Quesada, catedrática da Universidade Pompeu Fabra; José Antonio Gómez Municio, Asesor da Presidencia do Goberno Español; Rosario de Mateo Pérez, Catedrática da Universidade Autónoma de Barcelona e Miguel Anxo García Álvarez, Psicólogo do Complexo Hospitalario Universitario de Santiago.

Este curso será impartido todos os venres entre o 4 de maio e o 29 de xuño en horario de 16:00 a 21:00 horas. O prazo de preinscripción remata o vindeiro 18 de abril. Os interesados poden facer a súa solicitude a través dos seguintes contactos:

Carmen Costa: ccosta@usc.es

Miguel Túñez: mtunez@usc.es

Teléfono de contacto: 98156 31 00 Extensión: 16532

Avance e converxencia da Sociedade da Información en América Latina

O informe Iberoamérica ante a Sociedade da Información, auspiciado polo Departamento de Análise e Prospectiva da Fundación France Telecom España, supón unha primeira aproximación ao grao de progreso das Tecnoloxías da Información e a Comunicación en Iberoamérica. O obxectivo primixenio e cardinal desta análise monográfica é o de reflectir a situación actual dos principais indicadores que definen o avance do desenvolvemento da Sociedade da Información en cinco países da rexión: Arxentina, Brasil, Chile, Colombia e México-.

Aínda que os gobernos destas nacións están a traballar para dar solución aos tres grandes desafíos que han de acometer nos albores do século XXI: paliar a Fenda dixital, desenvolver a Administración electrónica e conseguir unha industria do software competitiva a nivel internacional, o certo é que os indicadores que definen a SI reflicten que a converxencia cos países máis avanzados aínda está lonxe.

Ler máisAvance e converxencia da Sociedade da Información en América Latina